Mysamachar.in-જામનગર
જામનગર કોર્પોરેશનની ચુંટણીમા જુદા-જુદા વિસ્તારમાથી અભિપ્રાય લેવાઇ રહ્યા છે, લોકો સારા ઉમેદવાર જુએ તેમજ યુવા શિક્ષીત અને ઉત્સાહી નવા ઉમેદવારને આવકારે તેમજ જો પુર્વ નગરસેવક-કોર્પોરેટરો ચુંટણીમા ઉભા હોય તો તેઓએ પ્રજા માટે શુ કર્યુ છે તે પણ લોકો જોતા જ હોય છે, ત્યારે અભિપ્રાય એ મળ્યો છે કે વોર્ડ નંબર 1 મા એક તરફ ઉમેદવારો સારા છે બીજી તરફ આ વોર્ડમા ભાજપની કોર્પોરેશનની સરકારે અનેક વિકાસ કામ આ ઉમેદવારો જે પુર્વ કોર્પોરેટરો છે તેમની રજુઆતો ઉપરથી કર્યા છે માટે વોર્ડ નંબર 1 મા અનેરો સંગમ કે ઉમેદવારો સારા અને સુવિધાઓ પણ સારી થઇ છે જે હજુ આગળ વધશે અનેક કામો લોકો માટે થનારા છે,
માટે જ ભાજપની પેનલના આ વોર્ડ નંબર 1ના ઉમેદવાર ઉમરભાઇ ઓસમાણભાઇ ચમડીયા (ઉમરભાઇ પટેલ) તેમજ ઉમેદવાર ફિરોઝભાઇ હુસેનભાઇ પતાણી તથા ઉમેદવાર હુશેનાબેન અનવરભાઇ સંઘાર, ઉમેદવાર કુ. મનિષાબેન અનિલભાઇ બાબરિયા આ વિસ્તારના લોકોમાં આ ચુંટણીમાં ફેવરીટ બની રહ્યા છે માટે લોકો તેઓને ચારેયની પેનલને જીતાડશે જ તેવુ સર્વેમા જાણવા મળ્યુ છે,
આમ જોઇએ તો જામનગર મહાનગરપાલિકામાં આવતો આ વોર્ડ નંબર 1 સ્લમ વિસ્તાર છે, છતાં પણ ભાજપ શાષિત જામનગર મહાનગરપાલિકાએ “જ્યાં માનવી ત્યાં વિકાસ” ના મંત્રને સાર્થક કરવા માટે આ વિસ્તારને હંમેશા ન્યાય આપી અને વિસ્તારના લોકો પણ સુવિધાઓથી વંચિત ના રહે તે માટે તમામ પ્રયાસો કર્યા છે, અને તેને કારણે જ આ વિસ્તારમાં જયારે ભાજપની હાલના ઉમેદવારોની પેનલ લોકોને મત માટે અપીલ કરવા જઈ રહી છે ત્યારે લોકો તેને વધાવી લઇ અને આશિર્વાદ આપી રહ્યા છે તેનુ કારણ વિકાસ કામોનુ ભાથુ છે,
-લોકોનો સંપર્ક કરી ક્યા કામ જરૂરી છે તે જાણતા ઉમેદવારો હોય લોકપ્રિય હોય તે સહજ બાબત છે
વોર્ડ નંબર 1માં ધરારનગર 1, સોલ્ટ, માધાપર ભૂંગા, જોડિયાભૂંગા, ગરીબનગર, બેડી, બેડેશ્વર, હાડકાનું કારખાનું, એકડે એક વિસ્તાર, સહિતના વિસ્તારોનો સમાવેશ થાય છે. આ વિસ્તારમાં ગતટર્મમાં કોર્પોરેટર રહેલા હુસેનાબેન અનવર સંઘાર અને ઉમરભાઈ ઓસમાણભાઈ ચમડિયા જે ઉમર પટેલના નામથી જાણીતા છે, તે બન્ને સાથે ત્યારે ભલે કોર્પોરેટર ના હોય પણ હાલના ભાજપના ઉમેદવાર જેના પરિવાર સહીત વર્ષોથી ભાજપ સાથે જોડાયેલા છે તેવા ફિરોઝભાઈ હુસેનભાઈ પતાણી અને મનીષાબેન અનિલભાઈ બાબરિયા આ બને કોર્પોરેટરો સાથે અને વ્યક્તિગત લોકોના સંપર્કમાં રહી જરૂરી કામકાજ અને સેવાઓ પૂરી પાડતા આવ્યા છે,
માટે જ કહેવાય છે કે લોકોના સંપર્કમા રહી ક્યા કામોની વિશેષ જરૂર છે તે કરાવતા આવ્યા હોઇ આ ચારેય ઉમેદવારો લોકપ્રિય હોય તે સહજ બાબત છે તેવો અભિપ્રાય મળ્યો છે, અને માટે જ આટલા મોટા વિસ્તારમાં સુવિધાઓના અઢળક કામો વર્ષોથી થતા આવ્યા છે, તેમાં ખાસ પાછલા 5 વર્ષમાં આ વિસ્તારના જાગૃત બન્ને ભાજપના કોર્પોરેટરો અને તેની ટીમ ઉપરાંત હાલના ઉમેદવારોએ પણ પક્ષ સાથે જરૂરી સંકલન કરી અને વિસ્તાર માટે જરૂરી રજુઆતો કરતા રહ્યા છે, આ વિસ્તારમાં ભાજપના કોર્પોરેટરોને સ્થાનિક આગેવાનો અને લોકો તરફથી મળતી રજુઆતો અને પ્રશ્નોને લઈને પાછલા પાંચ વર્ષમાં ઉડીને આંખે વળગે તેવા કામો વોર્ડ નંબર 1 માં થયા છે, જેનો શ્રેય આ વિસ્તારના જાગૃત ભાજપના ઉમેદવારોને જાય છે.
-વોર્ડ નંબર 1 પ્રથમ વખત ભાજપના શાસનમાં સુવિધાઓથી સજ્જ થયો
મોટા ભાગે સ્લમ જેવો વિસ્તાર ભાજપના શાસનમા પ્રથમ વખત સુવિધાઓથી સજ્જ થયો છે વોર્ડ નંબર 1 માં ખુલ્લી ગટરો રસ્તા પર ના રહે તે માટે વિસ્તારમાં 10 કરોડના ભૂર્ગભ ગટરના કામો, 6 જેટલી સરકારી શાળાઓ અને 23 જેટલી આંગણવાડીઓનું નિર્માણ પણ પાછલા પાંચ વર્ષોમાં થયું છે, પાણીની પાઈપલાઈનના મહત્વના કામો ઉપરાંત વોર્ડ નંબર 1 નો જોડતો મહત્વનો અને રેલ્વે ઓવરબ્રીજ કરોડોના ખર્ચે આકાર પામતા આ વિસ્તારમાં રોજીંદી અવરજવર કરતા વિસ્તારના લોકોને મોટી સુવિધા મળી હોવાનું તારણ સ્થાનિકોનો અભિપ્રાય મેળવતા નીકળે છે.
-ઓવરબ્રીજ અને રોડની સુવિધા લોકો માટે ખુબ ઉપયોગી બની
ઓવરબ્રીજ ઉપરાંત ઓવરબ્રીજથી બેડીબંદર સર્કલ સુધીનો 24 મીટરનો ફોરટ્રેક રોડ ઉપરાંત મોટાભાગના વિસ્તારોંમાં સીસી બ્લોક, સીસી રોડ અને ડામર રોડના કામો લોકસુવિધા માટે થયાનું પૂર્વ કોપોરેટરે mysamachar.inસાથેની વાતચીતમાં જણાવ્યું છે આ તમામ કામો માટે રાજ્યસરકાર, સ્થાનિક મનપાના પદાધિકારીઓ, મંત્રી ધર્મેન્દ્રસિંહ જાડેજા અને સાંસદ પુનમબેન માડમની ગ્રાન્ટ પણ મહત્વની બની છે તેમ પણ વિગત આપતા ઉમેર્યુ છે.