પોલીસ સ્ટેશનમાં ASI 'ઉઘરાણી' કરતા રંગેહાથ ઝડપાયો

પોલીસ સ્ટેશન આવતા લોકો પાસેથી થતી 'ઉઘરાણી'

પોલીસ સ્ટેશનમાં ASI 'ઉઘરાણી' કરતા રંગેહાથ ઝડપાયો
ફાઇલ તસવીર

Mysamachar.in-રાજકોટઃ

ફરી એકવાર સૌરાષ્ટ્રમાં ACBની સફળ રેડના કારણે ભારે ચર્ચા જાગી છે, આ વખતે રાજકોટ એ ડિવિઝન પોલીસ સ્ટેશનમાં ફરજ બજાવતો ASI રૂપિયા 600ની લાંચ લેતા રંગેહાથ ઝડપાયો છે. ACBને બાતમી મળી હતી કે રાજકોટ શહેર વિસ્તારના કેટલાક પોલીસ સ્ટેશનોના અમુક પોલીસ કર્મચારીઓ પોલીસ સ્ટેશનમાં આવતા અરજદારો પાસે પોલીસ વેરીફીકેશનના દાખલા કાઢી આપવાની અવેજ પેટે રૂપિયા ૫૦૦થી રૂપિયા ૧,૦૦૦ સુધીની લાંચની ગેરકાયદેસર માંગણી કરી સ્વીકારે છે. આ માહિતીના આધારે ડીકોયરનો સાથ સહકાર મેળવી ACB દ્વારા રાજકોટ A ડિવિઝન પોલીસ સ્ટેશનમાં ડીકોયનું આયોજન કરી છટકું ગોઠવવામાં આવ્યું હતું. આ દરમિયાન આરોપી ASI સુરેશ કોટવાળ રૂપિયા 600ની લાંચ સ્વીકારતા રંગેહાથ ઝડપાયો હતો. તો ACBએ જાહેર જનતાને અપીલ કરી છે કે જો કોઇ આવા ભ્રષ્ટ પોલીસ અધિકારીનો ભોગ બન્યા હોય તો તુરંગ ACBનો સંપર્ક સાધે.