યુવતીને થાંભલા સાથે બાંધી બેરહેમીથી મારવામાં આવ્યો માર, પુરુષોએ પણ ઉપાડ્યો હાથ શું છે ઘટના વાંચો

બન્ને પક્ષે ફરિયાદ લઈ થશે કાર્યવાહી

યુવતીને થાંભલા સાથે બાંધી બેરહેમીથી મારવામાં આવ્યો માર, પુરુષોએ પણ ઉપાડ્યો હાથ શું છે ઘટના વાંચો

Mysamachar.in-અમદાવાદ

ઘટના કોઈ પણ હોય કાયદો હાથમાં લેવાની કોઈને સતા નથી.... અને એ પણ સામે જયારે એક સ્ત્રી હોય અને તેને જાહેરમાં થાંભલા સાથે બાંધી બેરહેમી થી માર મારવામાં આવે તે ઘટના જ શરમજનક નહી પણ અતિ શરમજનક કહી શકાય.... વાત ગુજરાત રાજ્યના અમદાવાદ શહેરનાં નરોડા વિસ્તારની થઇ રહી છે, જેમાં એક યુવતીનો ચોંકાવનારો વીડિયો સામે આવ્યો છે. જેમાં તે યુવતીને થાંભલા સાથે બાંધીને માર મારવામાં આવી રહ્યો હોવાનું દેખાય છે. વીડિયો વાયરલ થયા બાદ પોલીસ દોડતી થઇ છે અને આ અંગે કાર્યવાહી પણ શરૂ કરી દીધી છે. મળતી માહિતી મુજબ એક જવેલર્સની દુકાનની બહારનો છે...

વીડિયોમાં લોકો યુવતીને માર મારતા જોવા મળે છે. આ યુવતીએ દુકાનની અંદર લૂંટનો પ્રયાસ કર્યો હતો. ત્યાર બાદ લોકોએ તેને પકડીને દોરડા વડે જ્વેલર્સની બહાર થાંભલા સાથે બાંધી દીધી હતી. મળતી માહિતી અનુસાર યુવતી સોનું લેવાના બહાને આવી હતી. પહેલા તે સોનું ખરીદવું હોય તે પ્રકારે પુછપરછ કરે છે. પછી અચાનક બીજા હાથમાં રહેલો સ્પ્રે કાઢે છે અને જ્વેલર્સના માલિક પર છાંટીને લૂંટ કરવાનો પ્રયાસ કરે છે. જો કે તે સફળ નથી થતી અને પકડાય જાય છે.

જો કે આ વીડિયો વાયરલ થયા બાદ પોલીસ દોડતી થઇ છે. સમગ્ર મામલે તપાસ આદરી છે. બંન્ને પક્ષો દ્વારા સામસામે ફરિયાદ દાખલ કરવામાં આવી છે. પોલીસ અધિકારીના અનુસાર યુવતી સામે લૂંટના પ્રયાસની ફરિયાદ દાખલ કરવામાં આવી છે. બીજી તરફ યુવતીએ પણ માર મારવા અંગે પોલીસ ફરિયાદ કરી છે. બંન્ને કેસની તપાસ બાદ ધરપકડ કરવામાં આવશે. અને આ મામલે જરૂરી કાર્યવાહી કરવામાં આવશે.