Mysamachar.in:જામનગર
ગત તારીખ તા.28 નવેમ્બરના રોજ પોલીસ ઇન્સ્પેકટર કે.એલ.ગાધે સીટી બી ડીવીઝન પોલીસ મથકના ચાર્જમાં હતા તે દરમ્યાન એક ફરીયાદી બહેન પોલીસ સ્ટેશન આવેલ અને જણાવેલ કે તેમના પતિ અને તેમના મીત્ર ઉત્તર પ્રદેશ ફરવા માટે ગયેલ ત્યારે ત્યાંના કોઇ ઇસમે તેમનુ અપરણ કરી ગોંધી રાખીને જાનથી મારી નાખવાની ધમકી આપેલ છે અને વારંવાર તેઓની પાસે રૂપીયાની ખંડણીની માંગણી કરે છે જે હકીકત આધારે તાત્કાલીક ફરીયાદ નોંધી લઇ ઉપરી અધિકારીની સુચના તથા માર્ગદર્શન મુજબ સમગ્ર હકીકત ગુપ્ત રાખી ગુપ્ત રાહે સીટી બી ડીવીઝન પોલીસ સ્ટાફને યુપી ખાતે મોકલી આપેલ ત્યાં લોકલ પોલીસની મદદ મેળવી તથા જામનગર સાઇબર ક્રાઇમ પોલીસ મથકના સ્ટાફનો ટેકનીકલ સપોર્ટ મેળવી ૨૪ કલાકમાં અપહરણકારોને ખબર ન પડે તે રીતે ગુપ્ત ઓપરેશન પાર પાડીને ભોગ બનનારને છોડાવી અને આરોપીને પકડી પાડી ઓપરેશન સફળતાપૂર્વક પાર પાડેલ છે.