આકસ્મિક ચેકિંગ, કમિશનરે શહેરના આરોગ્ય કેન્દ્રની મુલાકાતે પહોચ્યા 

Mysamachar.in-જામનગર:

જામનગર મ્યુનિસિપલ કમિશનર વિજયકુમાર ખરાડી જાત તપાસના આગ્રહી છે, તેવોએ ચાર્જ સંભાળ્યા બાદ તેવો ગમે ત્યારે ચાલી રહેલ વિકાસ કામો સહિતની સમીક્ષાઓ કરવા પોતે જ સ્થળ પર જાય છે, આજે પણ વામ્બે આવાસ નજીક આવેલ આરોગ્ય કેન્દ્રની કમિશનરે આકસ્મિક મુલાકાત લીધી હતી, અને વામ્બે આરોગ્ય કેન્દ્રમાં ચાલતી રસીકરણની પ્રક્રિયા ઉપરાંત તેમજ અન્ય આરોગ્ય સંબંધિત સેવાઓની ચકાસણી કરવામાં આવી હતી.આરોગ્ય કેન્દ્રમાં આવતા દર્દીઓ માટે પર્યાપ્ત વેક્સિન ટેસ્ટીંગ કીટ દવાઓ તેમજ અન્ય જરૂરી સુવિધાઓ ઉપલબ્ધ છે કે કેમ તે અંગેની જાણકારી પણ જામનગર મહાનગરપાલિકાના કમિશનર વિજય ખરાડી મેળવી હતી વધુમાં તેવોએ આરોગ્ય કેન્દ્રના તબીબો અને કર્મચારીઓને જરૂરી સૂચના અને માર્ગદર્શન પણ આપ્યું હતું.