જામનગર લોકસભા બેઠક પર સૌથી ઓછુ મતદાન દ્વારકા બેઠક અને સૌથી વધુ મતદાન જામનગર ગ્રામ્ય બેઠક પર નોંધાયું

જામનગર લોકસભા બેઠક પર સૌથી ઓછુ મતદાન દ્વારકા બેઠક અને સૌથી વધુ મતદાન જામનગર ગ્રામ્ય બેઠક પર નોંધાયું

Mysamachar.in-જામનગર:

જામનગર લોકસભા સીટ પર ગઈકાલે સવાર થઈ શરૂ થયેલ મતદાનની પ્રક્રિયા સાંજે ૬:૦૦ કલાકે સમાપ્ત થયા બાદ અંદાજીત આંકડાઓ સતાવાર જાહેર કરવામાં આવ્યા બાદ વહીવટીતંત્ર દ્વારા ચોક્કસ આંકડાઓ જાહેર કરવામાં આવ્યા છે,જાહેર કરેલ આંકડાઓમાં જામનગર લોકસભાની સીટ પર કુલ ૬૦.૭૦ % મતદાન નોંધાયું છે,જે ૨૦૧૪ ની લોકસભા કરતાં મતદાનમાં થયેલો સામાન્ય વધારો સૂચવે છે,

તો જામનગર જીલ્લાની સાત વિધાનસભા બેઠકો મા સૌથી ઓછુ મતદાન દ્વારકા વિધાનસભા બેઠક પર ૫૬.૩૧% જયારે સૌથી વધુ મતદાન જામનગર ગ્રામ્ય બેઠક પર ૬૫.૧૩% નોંધાયું છે.જયારે અન્ય બેઠકોની વાત કરવામાં આવે તો કાલાવડ બેઠક પર ૫૮.૯૦%,જામનગર ઉતર બેઠક પર ૬૩.૬૩%,જામનગર દક્ષિણ બેઠક પર ૬૩.૧૧%,જામજોધપુર બેઠક પર ૫૯.૭૬% અને ખંભાળિયા બેઠક પર ૫૯.૧૬% મતદાન નોંધાતા કુલ મતદાનની ટકાવારી ૬૦.૭૦% થઇ છે,

તો મતદારોના વાત કરવામાં આવે તો જિલ્લામાં નોંધાયેલા મતદારોની સંખ્યા ૧૬૫૬૦૦૬ છે,જેની સામે ગઈકાલે થયેલ મતદાનમાં ૧૦૦૫૨૫૨ મતદારો એ પોતાના મતાધિકારનો ઉપયોગ કર્યો છે,જેમાં ૫૫૮૦૬૬ પુરુષ મતદારો,૪૪૭૧૮૩ સ્ત્રી મતદારો અને અન્ય ૩મતદારો એ મતદાન કર્યું છે.