Mysamachar.in-જામનગર;
જામનગર જીલ્લામાં ગતરોજ વરસાદી માહોલ વચ્ચે ક્યાંક જોરદાર વરસાદ તો ક્યાંક હળવા ઝાપટા પડ્યા આ તમામ વચ્ચે ગઈકાલ સવાર 6:00 થી આજે સવારે 6:00 સુધી ક્યાં કેટલો વરસાદ વરસ્યો તેના આંકડાઓ પર નજર કરવામાં આવે તો જામજોધપુર શહેરમાં સાડા ત્રણ ઇંચ, લાલપુરમાં 2 ઇંચ, ધ્રોલમાં સવા ઇંચ, જોડીયામાં અડધો ઇંચ વરસાદ નોંધાયો છે.
આ તો થઇ તાલુકા મથકના વરસાદની વાત હવે પીએચસી સેન્ટરવાઈઝ તમારા ગામમાં કેટલો વરસાદ પડ્યો તેના આંકડાઓ પર નજર કરીએ તો લાખાબાવળમાં 1 ઇંચ, જામવાડીમાં પોણા ત્રણ ઇંચ,વાંસજાલીયામાં 2 ઇંચ, પરડવામાં પોણા ત્રણ ઇંચ, પીપરટોળામાં 1 ઇંચ, ભણગોરમાં સવા બે ઇંચ, મોટા ખડ્બામાં સવા ઇંચ, મોડપરમાં 2 ઇંચ, અને ડબાસંગમાં સવા ઇંચ વરસાદ નોંધાયાનું સતાવાર આંકડાઓમાં જાહેર થયું છે.