જામનગર:ડેપ્યુટી મેયરનો ભાઈ દારુ અને બીયર સાથે ઝડપાયો
પ્રોબેશનલ IPS સફીન હસનને મળી હતી માહિતી
Mysamachar.in:જામનગર:
જામનગર ભાજપ પર હમણાં હમણાં જાણે બદનામી નો બટ્ટો લાગ્યો હોય તેમ થોડા દિવસો પૂર્વે સીટી સી ડીવીઝને દારૂના મોટા જથ્થા સાથે એક શખ્સને ઝડપી પાડ્યો તે કાર ઝડપાઈ તેની નંબર પ્લેટ પર કમળનું નિશાના ચીતરેલું જોવા મળ્યું હતું, જે બાદ થોડા દિવસો પછી જ જેનું નામ હોટલ ગોલ્ડન ક્રાઉન સાથે સંકળાયેલ છે, તેવા ભાજપ મીડિયા સેલના કન્વીનર અને શહેર ભાજપના ઉપપ્રમુખ આશીશ કંટારીયાની હોટેલના એક રૂમમાંથી દેહવિક્રયનો ધંધો ઝડપાયો હતો, ત્યાં જ વળી ગતરાત્રીના જામનગર મહાનગરપાલિકાના ડેપ્યુટી મેયર કરશન કરમુર ના ભાઈ દારુ સાથે ઝડપાઈ જવાની ઘટના સામે આવી છે,
જામનગર મહાનગરપાલિકાના સીનીયર નગરસેવક અને હાલ ડેપ્યુટી મેયર કરશન કરમુરના ભાઈ ઘેલુભાઈ પરબતભાઈ કરમુર 5 બોટલ દારુ અને 4 બીયરના ટીન સાથે ઝડપાઈ જતા આ મામલાએ રાત્રીના શહેરભરમાં ભારે ચકચાર જગાવી દીધી હતી, ડેપ્યુટીમેયરના ભાઈ દારૂ અને બીયરનો સ્ટોક પહોચાડનાર સંજય ઉર્ફે બોડીયો સામે પણ ગુન્હો નોંધી પોલીસે તપાસ શરુ કરી છે, જો કે આ મામલે કરશન કરમુરે કહ્યું કે..મારી જિંદગીના સિદ્ધાંતો અલગ છે, અને હું તેની ભલામણ માટે ગયો નથી કે નથી ફોન કર્યો, અને પોલીસે પણ કહ્યું કે આ માટે ડેપ્યુટી મેયરે કોઈ ભાર ભલામણ કે ફોન કર્યા નથી.
